ГРК Охрид го очекува нов предизвик во домашното првенство- дуелот со МРК Куманово кој е закажан за петок (24.10) од 16:00 часот во „Билјанини Извори“.
Од таборот на охриѓани, левиот бек, Стефан Петриќ го најави мечот и ги сподели свпите очекувања:
„Наш следен противник е Куманово и свесни сме дека ниеден меч не е лесен. Против Прилеп покажавме одличен пристап и енергија на теренот, па со ист таков пристап мора да настапиме и дома. Ако го дадеме својот максимум и останеме фокусирани од почеток, до крај, верувам дека победата ќе остане во наши раце.“ – изјави Петриќ.
Тимот е подготвен да покаже максимална игра пред домашната публика и да се обиде да извојува уште една победа.
