Шестото коло од Првата ракометна лига ќе се комплетира вечерва со натпреварот меѓу Партизан и Шампион, тоа ќе биде дуел од долниот дел на табелата.
Но, шампионатот се разгорува во горниот дел од табелата, каде се води битка за првото место кое директно води кон Суперлигата, како и за втората позиција која води кон баражот за можен влез во ракометната елита на Македонија.
По шест кола екипата на Мулти Есенс има шест од шест и максимални 12 бодови на своето конто, а пак втор е Младост, но тимот од Богданци меч помалку, но со пет од пет и максимални 10 бодови на своето конто.
Токму овие две екипи веќе во следното коло ќе се соочуваат во меѓусебен дуел кој ќе се одигра во Богданци.
Вардар Неготино е трет со осум бодови на своето конто со учинок од четири победи и два порази, а пак трет е Драчево Јуниор исто така со осум бодови, но тимот од Скопје има меч помалку односно има четири победи и еден пораз кој го доживеа токму од Вадар во Неготино.
Практично овие ќе бидат екипи кои ќе се бодат за влез во Суперлигата, а од коло во коло самата ситуација на табелата прави да гледаме повеќе од супер неизвесна сезона.
Во однос на останатите позиции на табелата Овче Поле, Текстилец и Јехона имаат по шест бода, Аеродром е осми со четири бодови, а толку имаат и Македонија ЃП и Патизан, додека пак два бода има тимот на Преспа. Без бодови е Шампион, а на дното е Кичево со минус еден бод.
