Утре се играат натпреварите од 4. коло во Трета лига – Југ, а во рамки на оваа рунда слободна ќе биде екипата на Питу Гули од Крушево.
Познати се и судиите кои ќе ја делат правдата на шесте натпревари.
Ангелчо Ристов од Неготино, со неговите помошници Зоран Ангелов и Ване Данилов, исто така од Неготино ќе ја дели правдата на мечот меѓу Млекар и Борец од Велес.
Душко Стојсавлевиќ од Прилеп ќе биде задолжен да ја дели правдата на натпреварот во Долни Дисан меѓу Венец и Тополка. Негови помошници ќе бидат Филип Боцески од Прилеп и Тони Гурев од Кавадарци.
Ултрас на домашен терен ќе игра против Влазними Јуниор, а Иле Мишески од Прилеп ќе биде главен судија. Негови помошници ќе бидат Борис Трајков и Оливер Мирчески, исто така од Прилеп.
Во Чашка ќе се соочат Башкими од Јаболчиште и Росоман, а Дарко Макалоски од Прилеп ќе биде главен судија со Куре Кулески од Прилеп и Драган Јончески од општина Долнени кои ќе бидат негови асистенти.
Методија Костов од Велес го доби дуелот меѓу Дреново и Бучин, а ќе му асистираат Мирко Најдов и Славче Шопоски, исто така од Велес.
Превалец на домашен терен ќе игра со Младост од Кривогаштани, а за правдата ќе биде задолжен Тоше Ицев од Кавадарци, а ќе му помагаат Александар Трајков и Лазар Стоев, исто така од Кавадарци.
