По пет одиграни кола екипата на Вардар е на врвот во Суперлигата со десет бодови на своето конто два повеќе од Алкалоид кој е втор и Бутел кој е трет. Актуелниот шампион Еурофарм Пелистер е на четвртата позиција со седум бодови на своето конто, а толку има и Охрид кој се наоѓа на петтата позиција.
На шестата позиција или последното место кое води кон плеј-офото е Пролет со шест бодови на своето конто, со учинок од три победи и два порази.
По четири бодови имаат Еурофарм Пелистер 2 и Прилеп кој го делат седмото место, а пак Тиквеш е на деветтата позиција со два бодови, а кавадаречкиот тим кој не тргна според планот во новата сезона има учинок од една победа и четири порази.
По два бодови имаат и екипите на Куманово и Струга, а на дното без бодови останува „фенерџијата“ Радовиш, откако радовишани во петтото коло го загубија дербито за прво бодови со стружани.
Ако е за утеха Радовиш го има најдобриот стрелец тоа е Здравко Постолов со 35 погодоци, а таков толку погодоци има и Денис Шабановиќ од Прилеп, со тоа што Постолов има подобар ефект – 35 погодоци од 41 бод, а пак Шабановиќ има ефект 35 гола од 45 обиди.
На третото место на листата на најдобри стрелци е Димитар Димитриоски од Прилеп со 31 гол.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | Вардар 1961 | 5 | 5 | 0 | 0 | 166 | 128 | +38 | 10 |
| 2 | Алкалоид | 5 | 3 | 2 | 0 | 163 | 123 | +40 | 8 |
| 3 | Бутел | 5 | 4 | 0 | 1 | 149 | 136 | +13 | 8 |
| 4 | Еурофарм Пелистер | 5 | 3 | 1 | 1 | 171 | 132 | +39 | 7 |
| 5 | Охрид | 5 | 3 | 1 | 1 | 144 | 114 | +30 | 7 |
| 6 | Пролет 62 | 5 | 3 | 0 | 2 | 130 | 136 | -6 | 6 |
| 7 | Еурофарм Пелистер 2 | 5 | 2 | 0 | 3 | 132 | 152 | -20 | 4 |
| 8 | Прилеп | 5 | 2 | 0 | 3 | 148 | 179 | -31 | 4 |
| 9 | Тиквеш 2014 | 5 | 1 | 0 | 4 | 111 | 123 | -12 | 2 |
| 10 | Куманово | 5 | 1 | 0 | 4 | 140 | 146 | -6 | 2 |
| 11 | Струга | 5 | 1 | 0 | 4 | 115 | 173 | -58 | 2 |
| 12 | Радовиш | 5 | 0 | 0 | 5 | 127 | 154 | -27 | 0 |
