ТАБЕЛА: Вардар е осамен лидер, Охрид израмнет со шампионот, Радовиш е на дното без бодови – но го има најдобриот стрелец во Суперлигата!

По пет одиграни кола екипата на Вардар е на врвот во Суперлигата со десет бодови на своето конто два повеќе од Алкалоид кој е втор и Бутел кој е трет. Актуелниот шампион Еурофарм Пелистер е на четвртата позиција со седум бодови на своето конто, а толку има и Охрид кој се наоѓа на петтата позиција.

На шестата позиција или последното место кое води кон плеј-офото е Пролет со шест бодови на своето конто, со учинок од три победи и два порази.

По четири бодови имаат Еурофарм Пелистер 2 и Прилеп кој го делат седмото место, а пак Тиквеш е на деветтата позиција со два бодови, а кавадаречкиот тим кој не тргна според планот во новата сезона има учинок од една победа и четири порази.

По два бодови имаат и екипите на Куманово и Струга, а на дното без бодови останува „фенерџијата“ Радовиш, откако радовишани во петтото коло го загубија дербито за прво бодови со стружани.

Ако е за утеха Радовиш го има најдобриот стрелец тоа е Здравко Постолов со 35 погодоци, а таков толку погодоци има и Денис Шабановиќ од Прилеп, со тоа што Постолов има подобар ефект – 35 погодоци од 41 бод, а пак Шабановиќ има ефект 35 гола од 45 обиди.

На третото место на листата на најдобри стрелци е Димитар Димитриоски од Прилеп со 31 гол.