Младите македонски тенисери Марко Алексовски и Сара Митевска оваа недела настапуваат на два престижни јуниорски турнири и бележат значајни резултати.
Алексовски е дел од турнирот за тенисери до 14 години во Барселона од рангот „Супер категорија“. Во првото коло тој забележа сигурна победа над Аргентинецот Педро Френкел со 2-0 во сетови (6:0, 7:5). Во следното коло младиот македонски тенисер ќе се соочи со Јонас Ваелти од Швајцарија.
Од друга страна, Сара Митевска настапува на турнир за тенисерки до 16 години во Словачка, од „Категорија 1“. Македонската тенисерка во второто коло славеше над Александра Лес од Полска со 2-0 (7:5, 6:1), а потоа во третото коло беше уште поубедлива совладувајќи ја домашната претставничка Александра Јаноскова со 2-0 (6:1, 6:1). Денес ја очекува четвртфинален меч против Хрватката Ива Јерковиќ.
Покрај настапите во сингл, Митевска се натпреварува и во конкуренција во двојки. Таа заедно со својата партнерка Ива Јерковиќ ќе игра во полуфиналето против првите носителки, Ирина Чуклич од Украина и Ајана Миту од Романија.
