Утре стартува осминафиналната битка во Купот на Македонија, а истата се отвара со два натпревари кои се играат на „Благој Истатов“ во Струмица и на „Билјанини Извори“ во Охрид.
Познати се и судиите кои ќе ја делат правдата на утрешните два натпревари.
Кирил Смоквоски од Прилеп ќе ја дели правдата во Струмица каде силите ќе ги одмерат второлигашите Беласица и Детонит Плачковица. Негови помошници ќе бидат прилепчаните Дино Конески и Димитар Здравески.
Четврт судија на мечот ќе биде Ангелчо Ристов од Неготино, делегат на средбата ќе биде Стефан Ангеловски, а контролор ќе биде Сашко Ангелов од Кочани.
Второлигашот Охрид на домашен терен ќе игра против прволигашот Шкупи, а ќе им суди Марјан Стојановски од Кичево. Негови помошници ќе бидат Куштрим Лика и Зоран Јанкуловски од Кичево.
Четврт судија ќе биде Фатмир Бафто од Охрид, делегат ќе биде Иван Матевски од Скопје, а контролор Зоранчо Илиевски од Битола.
Во однос на останатите натпревари на 8. октомври Шкендија Арачиново ќе игра со Пелистер, на 15. октомври Шкендија против Тиквеш.
На 29. октомври соочување на Башкими со Силекс, Македонија ЃО со Струга, Работнички против Брегалница и Вардар со второлигашот Новаци.
