Двајцата македонски атлетичари, Дарио Ивановски и Адријана Поп Арсова Рашиќ, се во завршни подготовки за своите настапи на Светското првенство во атлетика што се одржува во Токио. Тие ги дознаа термините за своите маратонски трки на големата атлетска сцена.
Прва ќе настапи Адријана Поп Арсова Рашиќ, која ноќва од 00:30 часот по македонско време ќе ја истрча својата трка во женската маратонска конкуренција. Неа ќе ја следи Дарио Ивановски, кој 24 часа подоцна, во исто време, ќе се натпреварува во машкиот маратон.
Ивановски е најдобриот македонски атлетичар во последните години, со бројни победи и рекорди на домашната сцена, додека Поп Арсова е меѓу најперспективните маратонки во земјата. За двајцата ова ќе биде голем предизвик и можност да се натпреваруваат со најдобрите светски атлетичари на една од најпрестижните спортски манифестации.
