Македонската фудбалска репрезентација до 17 години на 16 и 18 септември во Радовиш ќе одигра два контролни натпревари против врсниците од Кипар.
Селекторот Владимир Колев за овие пријателски дуели повика вкупно 22 фудбалери:
Голмани: Даријан Денковски (Македонија Ѓ.П.), Ринор Цека (Шкендија), Амин Суловиќ (Скопје).
Одбрана: Мартин Џангаров (Македонија Ѓ.П.), Филип Цветковски (Вардар), Вилијам Ангеловски (Вардар), Алекса Јазагиќ (Македонија Ѓ.П.), Марко Иванов (Копер, Словенија), Јаков Ангелов (Викторија, Германија), Грегоријан Михајловски (Сервет, Швајцарија), Алек Чедомирски (Македонија Ѓ.П.), Анес Бајрами (Шкупи).
Среден ред: Бленди Љачка (Фенербахче, Турција), Лука Георгиев Јасмин (Македонија Ѓ.П.), Андреј Цветковски (Вардар), Лука Кнежевиќ (Македонија Ѓ.П.), Сонер Ракипи (Шкендија), Марко Мирчевски (Охрид), Илија Паласкаров (Кожув), Ендрид Ганиу (Приштина, Косово), Дарин Михајловски (Македонија Ѓ.П.), Руфати Сеид (Шкендија).
Напад: Васко Папалиски (Парк), Благојче Седлоски (Парк), Иса Мустафа (Парк).
Првиот натпревар ќе се одигра на 16 септември од 15:30 часот, додека вториот е закажан за 18 септември од 13:00 часот – двата на градскиот стадион во Радовиш.
Овие тестови ќе бидат важна подготовка за квалификацискиот турнир за Европското првенство, кој Македонија ќе го организира во октомври. Наши противници ќе бидат Унгарија (8 октомври), Чешка (11 октомври) и Гибралтар (14 октомври).
