Македонската машка сениорска кошаркарска репрезентација е подготвена за нов предизвик – претквалификациите за Евробаскет 2029!
Избраниците на селекторот Марјан Илиевски ќе го започнат циклусот на 27 ноември на домашен терен против селекцијата на Азербејџан, во рамките на првото коло од групата „А“.
Веќе на 30 ноември, нашите кошаркари ќе гостуваат во Ирска, а првиот ФИБА „прозорец“ ќе биде затворен со натпреварот на 27 февруари следната година, кога Македонија повторно дома ќе ја пречека Луксембург.
Следува реванш против Азербејџан на 2 март, додека во јулскиот прозорец нашите ќе ја пречекаат Ирска на 2 јули, за потоа циклусот да го завршат на гостување кај Луксембург на 5 јули 2026.
- РАСПОРЕД НА МАКЕДОНИЈА – ГРУПА „А“
27.11.2025 → Македонија – Азербејџан
30.11.2025 → Ирска – Македонија
27.02.2026 → Македонија – Луксембург
02.03.2026 → Азербејџан – Македонија
02.07.2026 → Македонија – Ирска
05.07.2026 → Луксембург – Македонија
Македонија има цел – пласман во следната рунда квалификации и враќање на големата сцена на европската кошарка. Очекуваме борбени мечеви и полни трибини уште од првиот дуел во ноември!
