Детонит Плачковица утре го игра првиот домашен натпревар од новата сезона во Втората лига, откако во првите две рунди гостување, а во Радовиш доаѓа Слога Виница.
Младиот фудбалер на радовишани, Стефан Ристовски за Спортска Мрежа вели дека утрешниот натпревар ќе биде интересен да се следи, дополнува дека Детонит Плачковица е подготвен за првиот домашен меч и очекува поддршка од верната публика.
„Атмосферата е многу одлична тука како екипа, утре не’ очекува тежок натпревар против спремна екипа, се работи за организиран тим. Ќе биде интересен натпревар во секој случај. Ние ќе дадеме се од себе, се надеваме на победа, ние сме добро подготвени. Ги повикувам сите навивачи да дојдат и да не’ поддржат“, вели Ристовски за Спортска Мрежа.
Натпреварот кој се игра во Радовиш започнува во 16 часот.
