Најдобрите македонски ракометни судии Ѓорѓи Начевски и Славе Николов го добија своето прво задолжение во новата сезона од Лигата на шампионите.
Македонскиот судиски пар е делегиран да го суди дербито од првото коло меѓу ПИК Сегед и Висла Плок, кое ќе се одигра во Унгарија на 11 септември (четврток) со почеток од 18:45 часот. Делегат на натпреварот ќе биде Јанко Пожежник од Словенија.
Покрај Николов и Начевски, во првото коло ќе судат и македонските арбитри Димитар Митревски и Благојче Тодоровски, кои ќе ја делат правдата на дуелот меѓу Алборг и Веспрем.
Во исто време, германските арбитри Шулце и Тобиес ќе бидат задолжени за натпреварот меѓу македонскиот првак Еурофарм Пелистер и Загреб.
