Синоќа во Јосифово се одигра големото финале од турнирот во мал фудбал „Јосифовско лето 2025“, настан кој и оваа година ги собра најдобрите екипи од цела Македонија на едно место.
Во финалето екипата на Фреинт Оне демонстрираше врвен квалитет и целосна надмоќ, совладувајќи го тимот на Кеги Моби со убедливи 7:2. Публиката имаше можност да ужива во вистински спектакл со дури девет погодоци и маестрална партија на шампионите од Радовиш.
Во натпреварот за третото место, Железарец со резултат 3:1 славеше над Еклер Транс и се закити со бронзениот медал.
По завршувањето на турнирот беа прогласени и најдобрите поединци:
-
Најдобар стрелец – Андреј Коцевски (Фреинт Оне)
-
Најдобар голман – Антонио Петровски (Кеги Моби)
-
Најдобар играч – Горан Стојанов (Фреинт Оне)
Ова издание на „Јосифовско лето“ влезе во историјата како првиот турнир во Македонија што воведе ВАР технологија, со што е направен голем чекор напред во организацијата на ваквите настани. Публиката, која секоја вечер броеше над 2.000 љубители на фудбалот, имаше можност да следи натпревари на највисоко ниво. Организаторите обезбедија и пренос во живо за сите кои не можеа да присуствуват на добар фудбал, ладно пиво и вкусна скара да уживаат пред малите ТВ екрани.
Годинава Спортска Мрежа по првпат беше медиумски покровител на овој престижен турнир, кој со право го носи приматот на најдобро организиран турнир во Македонија.
