Вечерва ќе бидат познати последните два патници во полуфиналето на турнирот во мал фудбал „Јосифовско лето 2025“, откако во петокот беа одиграни првите четвртфинални натпревари со што веќе се четираа две екипи во полуфиналето.
На првата четвртфинална вечер пеналите се покажаа кобни за тимот на Агро Смарт кој загуби во пенал серијата од Еклер Транс, откако во регуларниот дел беше 1:1.
Во ударите од белата точка попрецизни беа играчите на Еклер Транс и веќе обезбедија полуфинале на „Јосифовско лето 2025“.
Во вториот четвртфинален меч екипата на Кеги Моби со 3:1 беше подобра од Дим Метал во меч каде практично до последните секунди имаше неизвесност и возбуда кај публиката, но и кај самите играчи.
За првпат на турнир во Македонија беше воведена и ВАР технологија, а која судиите Марјан Младеноски и Дејан Младеновски можеа да ја користат и истата се покажа како успешна на дебито на ВАР-то во Јосифово.
Вечерва на програмата се два натпревари со што ќе бидат познати сите полуфиналисти. Фреит Оне оди на мегдан со тимот на Бил Мак, а пак Дивино против Железарец.
