Натпреварот од четвртото коло во Првата фудбалска лига меѓу Шкупи и Вардар ќе се одигра утре (петок) на стадионот „Младост“ во Струмица со почеток во 16:30 часот.
Одлуката ја донесе Комисијата за натпревари при Фудбалската федерација на Македонија, откако беше констатирано дека стадионот во Чаир не ги исполнува минималните услови за организација на прволигашки натпревари.
Ова ќе биде прв домашен настап на Шкупи по службениот пораз во првото коло против Силекс (0-3), кога дуелот не се одигра поради проблемите со инфраструктурата на стадионот во Чаир, Шкупи засега нема победа во првите 3 кола има 3 порази додека Вардар има 2 победи и 1 реми.
Натпреварот меѓу Шкупи и Вардар носи дополнителна доза на внимание, бидејќи станува збор за дерби со традиција и големо ривалство, а двата тима имаат потреба од бодови за подобра позиција на табелата.
