Познати се полуфиналистите на турнирот во мал фудбал „Подареш 2025“ откако вечерва беше комплетирано четвртфиналето.
Во првото соочување екипата на Дивино со „лото“ победа го декласираше тимот на Фурна Марфи со убедливи 7:1.
Популарните „радовишки сомуни“ немаа рецепт како да се спротивстават на популарните „пици“ од Босилово.
Екипата на Еуро Дом со тежок пораз од 1:6 беше исфрлена од турнирот откако загуби од Ан Са и Пери и Тајфата.
Вечерва беше одигран и ревијален меч меѓу ФК Готен ветерани и ФК Готен сениори. Најдобар стрелец после четвртфиналето останува Никола Божинов од екипата на Оливер Промет. Втор стрелец е Тони Мичковски од екипата на Дивино.
Утре во првиот полуфинален меч ќе се соочат Ан Са и Перо и Тајфата против Дивино од 21 часот.
Од 22:30 часот Атанасов Градба на мегдан против Конзул Транс.
Полуфиналните натпревари, како и натпреварот за трето место и финалниот меч ќе можете да го следите во ЖИВО на Спортска Мрежа. Полуфиналните и финалните натпревари ќе се играат по 25 минути
Годинава за првпат Спортска Мрежа беше медиумски покровител на овој спортски настан.
