Познати се првите полуфиналисти на турнирот во мал фудбал „Подареш 2025“, откако во четвртфиналето екипата на Атанасов Градба со 3:1 го доби тимот на Даниел Инженеринг и со тоа се чекираше меѓу четири најдобри на турнирот, а каде ќе се бори за влез во големото финалето.
Вториот четвртфинален меч беше вистинско дерби, борба, но и неизвесност, откако Конзул Транс и Оливер Промет одиграа 2:2 во регуларниот дел, а во продолжението „шлеперите“ на Конзул Транс беа побрзи и постигнаа гол за конечни 3:2, а со тоа обезбедување на карта за полуфинале.
Вечерва ќе бидат познати уште останатите два полуфиналисти. Дивино од 21 часот ќе се соочи со Фурна Марфи, а пак од 23:00 часот Еуро Дом оди на мегдан со Ан Са Дизајн и Перо и Тајфата.
Од 22 часот ќе се игра ревијалниот меч меѓу ФК Готен Ветерани и ФК Готен сениори.
„Екипата на Еуро Дом вечерва од 21:30 игра натпревар за трето место на турнирот во Дрвош тоа ги намалува шансите да пристигнат во закажаниот термин од 22:30 часот бидејќи се работи за оправдана причина и навремено известување правилото од каснење 20 минути не може да се активира. Известена е и противничката екипа на Ан Са и Перо и Тајфата“, се вели во соопштението од организаторот.
