Во мечот за третото место на Меѓународниот меморијален турнир „Крсте Андоновски“ во Охрид, силите ги одмерија екипите на Вардар и Нексе од Хрватска.
Натпреварот беше изедначен од самиот почеток, но сепак на крајот, подобри беа гостите од Хрватска и го освоија третото место на турнирот.
Веднаш после натпреварот, за Спортска Мрежа, своите впечатоци за натпреварот, ги изрази средниот бек на Нексе- Мислав Гргиќ.
„Ова за нас беше петти натпревар, па затоа се чувствуваше не само физички, туку и психички замор во текот на целиот меч, но ете сепак успеавме некако да изиграме и да победиме на крај“, – констатира бекот на Нексе.
Исто така, изрази големо задоволство од организацијата на целиот турнир, како и квалитетот на екипите.
„Што се однесува до турнирот, супер е организирано сè, има одлични екипи и презадоволни сме од времето поминато во Охрид“, – вели Гргиќ.
