Искусниот голгетер Дарко Гроздановски во новата сеозна 2025/2026 нема да настапува во македонскиот фудбал, кариерата ја продолжува во италијанскиот фудбал.
26-годишниот фудбалер ја засили екипата на Олимпија Агнонезе, а во италијанскиот тим Гроздановски доаѓа од сега веќе некогашниот прволигаш Воска Спорт од Охрид.
Претходно, Гроздановски настапи за второлигашот Кожуф од Гевгелија во есенскиот дел на минатата сезона каде беше најдобар стрелец со седум погодоци, а низ својата кариера настапуваше и за Силекс, Победа, Беласица и Тиквеш во македонскиот фудбал, беше дел од младинскиот тим на Црвена Звезда, потоа во Србија настапуваше и за Прва Искра, додека пак во Црна Гора настапуваше за Грбаљ.
Дефинитивно Олимпија Агнонезе добива проверено и искусно име во своите редови за новата сезона со што ќе атакува на остварување на своите цели за новата сезона.
