Вечерва започна нокаут фаза на турнирот во мал фудбал „Подареш 2025“, а на програмата беа три натпревари, со што се познати и три четвртфиналисти.
Во првиот меч беа постигнати дури 16 погодоци, а екипата на Еуро Дом со пресилни 11:5 го декласираше тимот на Подареш, кој беше инфериорен противник на теренот.
Во вториот меч Дивино и Инсајд Стил го одиграа највозбудливиот и најнеизвесниот меч, а Дивино беше подобар со 4:3 и со тоа оди во следната фаза, а пак Инсајд Стил си ги „собра“ куферите.
Во третиот меч екипата на Даниел Инженеринг го прегази составот на Алекс Сим со лото победа од 7:1.
Утре на програмата ќе бидат два натпревари. Од 21 часот Оливер Промет против Готен Јуниор, а пак од 22 часот Ан Са Дизајн и Перо и Тајфата против Оптимус.
Спортска Мрежа годинава по првпат е медиумски покровител на овој спортски настан.
