Саботната програма на турнирот во мал фудбал „Богородица Куп“ во Волино донесе нова доза возбудувања и неизвесност.
Во првиот натпревар, тимот на Дејан војвода успеа да слави над АД Галеб со минимална предност од 3:2, покажувајќи карактер и цврстина во клучните моменти. Следеше дуелот помеѓу Оровник Танче Мирчески и Инекс Олгица, во кој „охридскиот хотел“ ја оправда фаворитската улога и славеше со 2:4.
Возбудата продолжи и на третиот меч, каде Мешеишта успеа да биде подобар од Лаз Бун со тесна победа од 3:2. Вечерта заврши со службена победа на Кафе бар Лавадо, кој без играње на терен го доби натпреварот против Ресорт Бате Боле со 1:0.
Атмосферата и во саботата беше на врвно ниво, со голем број љубители на фудбалот кои ги бодреа своите фаворити и уживаа во квалитетни мечеви.
- Вечерната програма нуди уште поатрактивни пресметки:
20:00 Хотел Тино – Том гор
21:00 Сатеска – Искра
22:00 Ескобар – Екстра Скопско
23:00 Др Баткоски – Компани Стојкоски
Љубителите на малиот фудбал и добрата атмосфера повторно ќе имаат што да видат, бидејќи се очекуваат квалитетни дуели и борба за секој бод.
Спортска Мрежа е медиумски покровител на овој спортски настан по првпат годинава.
