Во Пробиштип утре ќе започне традиционалниот турнир во мал фудбал „28-ми август“, кој и годинава се организира по повод Успение на Пресвета Богородица и Денот на рударите.
Турнирот, кој важи за еден од најпрестижните во источна Македонија, ќе собере најдобрите екипи, а се игра за голем награден фонд. Првопласираната екипа ќе освои 150.000 денари, второпласираната 50.000 денари, а најдобриот голман и најдобриот играч ќе добијат по 5.000 денари.
- Групи на турнирот:
Група А: Рамбо, Булмак, Панови
Група Б: УМС Паланка, Трга Транс, Атанасови
Група Ц: Дамјан Кратово, Брег Транс, Таб Мак
Група Д: Дамев Логистик, Пепси Травел, Ратавица
- Прва вечер – Четврток, 14 август 2025:
20:00 часот Рамбо – Булмак
21:00 часот Дамјан Кратово – Брег Транс
Организаторот очекува возбудливи натпревари и одлична атмосфера, а Спортска Мрежа и оваа година медиумски ќе го поддржи настанот.
