Утре во рамки на 3. коло од Втората македонска фудбалска лига еден натпревар ќе се одигра под рефлектори односно во вечерен термин од 20 часот.
Беласица по повод својот 102-ри роденден натпреварот против Охрид ќе го одигра под рефлектори на стадионот „Благој Истатов“ во Струмица.
Многу веројатно е дека овој натпревар и ќе биде единствен одигран под рефлектори, бидејќи останатите стадиони и не исполнуваат услови за натпревари во вечерни термини, на Градскиот стадион во Штип поради изградбата на новата трибина двата рефлектори се демонтирани, па ноќни натпревари во Штип би можело да има дури кон крајот на сезоната односно после април месец, доколку новата трибина биде готова.
Струмичани ќе бидат први кои во новата сезона ќе проследат второлигашки натпревар под рефлектори. По повод роденденот на Беласица се очекува многу публика, верните „ајдуци“ да приредаде шоу на трибините, се очекува да дојдат многу фудбалски легенди кои поминале низ струмичката фудбалска гордост како играчи, тренери или управи.
Натпреварот меѓу Беласица и Охрид се игра в недела од 20 часот.
Александар Ванев, Спортска Мрежа
