Огузан Ајдоган, поранешниот фудбалер на Гостивар, официјално е нов член на Башкими – новиот прволигаш од Куманово, кој активно се засилува за претстојната сезона во Првата македонска фудбалска лига. Ајдоган веќе беше претставен од клубот како едно од новите засилувања.
Германскиот интернационалец со турски корени минатата сезона одигра 28 натпревари во дресот на Гостивар и запиша пет погодоци. Пред да пристигне во Македонија, настапуваше за неколку клубови во Германија и Турција, меѓу кои се Алеманија Ахен и Карлсруе.
28-годишниот офанзивен играч за врска е дел од пошироката трансфер стратегија на Башкими, кој во летниот преоден рок веќе ги ангажираше и голманот Филип Купанов, крилниот фудбалер Фљамур Џелили, дефанзивецот Фарук Бихорац и нигерискиот напаѓач Иса Адекунле.
Со овие засилувања, клубот јасно ја покажува својата намера да биде конкурентен уште во својата прва сезона меѓу елитата.
