Фудбалскиот клуб Огражден од Ново Село кој во новата сезона ќе се натпреварува во Општинската фудбалска лига во Струмица односно Четврта лига по ранг на натпреварување договори неколку нови засилувања.
Клубот се засили со Драган Дојчинов, Мирче Стоилов, Јован Дрвошанов, Ристе Грендов и Роберт Јанев, кои ќе го носат „црно-жолтиот“ дрес.
Дојчинов е млад и талентиран 15-годишен фудбалер, Стоилов кој има 20-години доаѓа од редовите на второлигашот Беласица. Дршованов има 19-години, а доаѓа од Брера Струмица, претходно настапуваше за Беласица и некогашниот третолигашот Спартмани од Градско Балдовци.
Грендов, пак има 18-години, а во минатото беше дел од Брера Струмица, 23-годишниот Јанев пак доаѓа од редовите на Хоризонт Турново.
Претходно, како што веќе објави Спортска Мрежа ростерот на Оргажден беше засилен со Костадин Наковски, Адам Зимбаков, Александар Коцев, Никола Јарков, Спасе Терзиев и Никола Трајков.
По неколку години пауза во Струмица се враќа Општинската фудбалска лига, а според информациите на Спортска Мрежа се очекува да настапат повеќе од осум екипи со што конечно ќе се врати фудбалот на локално ниво кои ќе биде застапен во повеќе средини низ струмичко.
