Вечерва се игра последниот, финален ден на турнирот во мал фудбал „Ораовица 2025“, кој традиционално се одржува во радовишкото село Ораовица.
Финалниот ден ќе биде затворен со три возбудливи натпревари: борба за третото место, финале во пионерска конкуренција и големото сениорско финале кое се очекува да биде вистински фудбалски спектакл.
Според распоредот, вечерта ќе започне во 20:30 часот со натпреварот за третото место, во кој ќе се соочат екипите на Мече Дел Шпед и Јанев Пласт.
Во 21:30 часот ќе следува финалето во пионерска конкуренција (генерација 2010–2013), каде ќе се сретнат екипите на Техноинженеринг и Мил-Бор.
Кулминацијата на вечерта е закажана за 22:30 часот, кога во големото финале ќе се вкрстат Фреит Оне и Il-Ma Montage. Очекувањата се дека трибините и просторот околу теренот ќе бидат преполни со публика, која ќе има можност да ужива не само во добар фудбал, туку и во вкусна скара и ладно пиво – идеална комбинација за незаборавно навивање.
Спортска Мрежа оваа година за првпат беше медиумски покровител на турнирот, следејќи ги сите резултати од првиот до последниот ден.
Подгответе се за вечер исполнета со емоции, спорт и незаборавна атмосфера во Ораовица!
