Прволигашот Силекс со убедливи 5:0 го доби второлигашот Детонит Плачковица од Радовиш на пријателски меч кој се одигра во Кратово.
Екипата на Силекс резултатот го отвори во 38. минута преку Пиреш за 1:0 на полувреме. Во вториот дел Алиќ постигна гол за 2:0 во 50. минута, потоа во 65. минута Матески стрелаше за 3:0.
Резултатот се зголеми на 4:0 во 78. минута кога погоди Анѓелески, а во 90. минута Беровиќ погоди за конечни 5:0.
Новата сезона екипата на Силекс ја отвара против Брера Струмица на домашен терен, а пак Детонит Плачковица стартот на ВМФЛ го има со гостување кај новиот второлигаш Големо Коњари.
