Екипата на Вардар Неготино забележа триумф од 3:0 против новиот второлигаш Големо Коњари на „Цвај арената“ во Неготино, а кој меч е во рамки на летните подготовки за новата сезона во Втората лига која ќе започне на 23 август.
Екипата на Големо Коњари на овој меч не беше комплетна и имаше неколку отсутни играчи што влијаеше на смата игра. Првиот гол беше дело на Борче Ристов, вториот гол го постигна Насаф Шабанов, а пак третиот гол Аделин Казимов.
Тренерите Горан Стојановски на Вардар Неготино и Јовица Блажески на Големо Коњари имаа можност да ја проверат формата на сите играчи.
Новата сезона екипата на Вардар Неготино ја отвара против Тетекс на домашен терен, а пак Големо Коњари на домашен терен стартува со Детонит Плачковица.
