Екипата на Охрид ќе ги одигра двете средби од второто коло на ЕХФ Европскиот Куп пред својата публика.
Азербејџанскиот тим Баку се согласи двомечот да се одигра во спортската сала „Билјанини Извори“, прифаќајќи ја понудата на македонскиот претставник.
Првиот натпревар е закажан за 11 октомври со почеток во 18:00 часот, а реваншот ќе се игра ден подоцна, исто така од 18:00 часот.
Според досегашните настапи и квалитетот на ростерот, Охрид важи за апсолутен фаворит против Баку, кој во претходните три учества на европската сцена сè уште нема одиграно меч на домашен терен.
