Фудбалскиот клуб Пелистер продолжува со засилувањата за новата сезона, а најново име во составот е српскиот фудбалер за врска Ѓорѓе Белиќ. 27- годишниот интернационалец од Србија потпиша едногодишен договор и веќе од денес ќе биде на располагање на стручниот штаб на битолскиот прволигаш.
Белиќ доаѓа од белградски Вождовац, каде ја мина минатата сезона, а претходно настапуваше и за неколку српски клубови меѓу кои Мачва, Дрина Љубовија, Лозница и Дубочица. Роден е во Сремска Митровица и се истакнува со својата разновидност во средниот ред, каде што може да игра на повеќе позиции. Неговото искуство и квалитет треба да донесат дополнителна стабилност и сила во тимот на Пелистер.
Со ангажманот на Белиќ, Пелистер го комплетира шестото летно засилување, по претходното потпишување на Спировски, Ристиќ, Ристовски, Здравковиќ и Булатовиќ.
