Возбудувањата на турнирот „Ораовица 2025“ продолжуваат со полна пареа! Вечерва се одиграа два клучни натпревара кои решија кои ќе бидат првите екипи што обезбедуваат пласман во четвртфиналето – и двете средби понудија драма, пресврти и квалитетен мал фудбал.
Дивино – Прналија 6:4 (3:4)
Прналија имаше предност по првото полувреме и беше на пат да приреди изненадување, но Дивино одигра фантастично во вториот дел, направи пресврт и славеше со 6:4. Победата ја однесе екипата директно во четвртфиналето, каде ќе ја продолжи битката за трофејот.
Мече Дел Шпед – Баџо Компани 5:3 (2:0)
Мече Дел Шпед сигурно го отвори натпреварот и со цврста игра во првото полувреме стекна предност која не ја испушти до крај. Иако Баџо Компани се обиде да се врати, искуството и концентрацијата на Мече Дел Шпед беа пресудни за конечната победа. Тие се втората екипа што се пласира во четвртфиналето.
Турнирот „Ораовица 2025“ добива на интензитет!
Со веќе познати два четвртфиналисти – Дивино и Мече Дел Шпед – натпреварувањето влегува во завршната фаза од групите. Атмосферата на теренот и на трибините е вриежна, а љубителите на фудбалот секоја вечер се сведоци на вистински спектакли.
Следете ја Спортска Мрежа за сите новости, извештаи и фотографии од најголемиот летен турнир во мал фудбал!
