Новиот второлигаш Големо Коњари со триумф ги започна пријателските натпревари откако со 2:0 на домашен терен славеше над третолигашот Победа од Валандово.
На мечот кој се играше во прилепското село Големо Коњари, новиот второлигаш до овој триумф дојде преку двата гола на Беким Алимоски.
За младиот тренер Јовица Блажески ова беше прв меч на кој го водеше новиот второлигаш, а неговото официјално деби на клупата ќе биде секако на првиот меч од новата сезона во Втората лига, која започнува на 23 август.
За третолигашот од Валандово ова е меч од кој може да се види подигањето на формата и истата да се бруси преку останати пријателски натпревари со цел Победа да влезе максимално подготвена за новата сезона во Трета лига – Исток.
