Фудбалскиот терен во општина Росоман е во очајна состојба, далеку од терен на кој треба да се игра фудбал или пак терен кој треба да понуди одлични услови за игра.
На овој терен настапува ФК Росоман 83, клуб кој во минатото беше дел и од Втората македонска фудбалска лига (ВМФЛ) – Исток, но само една сезона, бидејќи тимот експресно се врати во Трета лига – Југ.
Од фотографиите може да се виде дека тревникот е целосно изгорен, зелена трева речиси и да нема, обрасната трева, теренот не е обележан, а ниту пак мрежите на головите не се во некоја добра кондиција.
Во секој случај ова не е добра слика за тоа како треба да изгледа еден фудбалски терен, а повеќе од сигурно е дека овој терен го очекува многу работа со цел да се врати во потребното руво, за да може да има идеални услови третолигашот Росоман 83 да ги игра своите натпревари.
Ова е пример како не треба да изгледа еден фудбалски терен и пример дека треба да се води многу поголема грижа за фудбалските терени, бидејќи лесно е да се изгради, тешко е да се одржува, барем тоа можеме да го заклучиме од овие фотографии.
Пример за тоа како треба да изгледа еден терен особено на екипа која е дел од Трета лига или Четврта лига е теренот на ФК Македонија Агино во кумановско Агино Село, а за што Спортска Мрежа веќе има објавено.
ФОТО: Теренот на ФК Македонија Агино во перфектна состојба за дербито со Четирце
