Женскиот фудбалски клуб Љуботен се засили со ново интернационално име пред европските предизвици – азербејџанската репрезентативка Милана Рахимова.
Станува збор за 21 годишна искусна дефанзивка која во Тетово доаѓа од турскиот клуб Унје Гучу. Со своето искуство и квалитет, Рахимова се очекува значајно да го зајакне последниот ред на тимот и да биде важна алка во амбициите на Љуботен на меѓународната сцена.
Првиот сериозен предизвик го очекува клубот на 30 јули, кога ќе се соочи со НСИ Рунавик од Фарските Острови на квалификацискиот турнир во Лигата на шампионките. Натпреварите ќе се играат во Скопје, а при евентуална победа, Љуботен ќе се бори за пласман понатаму против победникот од мечот меѓу НСА Софија и Пјуник.
