Македонската тенисерка Лина Ѓорческа на импресивен начин го започна настапот на Челинџер турнирот во Рим од серијата WTA 125, со награден фонд од 100.000 евра. Ѓорческа во првото коло лесно се справи со Бразилката Лаура Пигоси, совладувајќи ја со убедливи 2-0 во сетови (6-1, 6-1) по само 87 минути игра.
Во првиот сет Ѓорческа беше доминантна од самиот почеток, брзо поведе со 4:0, а противничката освои само еден гем пред Лина да го затвори сетот со 6:1. И вториот сет имаше сличен тек – по 1:1 во гемови, Ѓорческа влезе во серија и со пет последователни гема стави точка на мечот за конечни 6:1 и 2-0 во сетови.
Утре Ѓорческа е слободна, а во второто коло ќе ја очекува дуел со подобрата од натпреварот меѓу шеста носителка Доминика Салкова од Чешка и Петра Марчинко од Хрватска.
