Со почеток во 20:00 часот, вечерва на повеќенаменското игралиште во СОУ „Коста Сусинов“ официјално ќе започне еден од најголемите летни кошаркарски настани во регионот – STREETBALL 3X3 Радовиш 2025.
Оваа година на турнирот ќе настапат 12 екипи од Македонија, Србија и Грција, поделени во три групи, што е доказ за сè поголемиот углед и атрактивност на овој спортски спектакл. Турнирот повторно се организира во соработка со „Sound of the net“, а натпреварите ќе се одигруваат според официјалните FIBA 3×3 правила, што му дава дополнителна тежина и професионализам на настанот.
- Програмата предвидува:
Петок (денес) – старт на турнирот во 20:00 часот со 6 натпревари од групата Б
Сабота (утре) – од 18:40 ќе се одиграат 12 натпревари од групите А и Ц
Недела (финален ден) – исто така од 18:40, ќе се играат четвртфиналињата, полуфиналињата, а големото финале е закажано за 22:00 часот
Очекувајте три дена исполнети со возбудливи дуели, атрактивни потези, спортски дух и одлична атмосфера. Организаторите најавуваат одлична забава и ве повикуваат да бидете дел од најсилниот streetball настан ова лето!
