Синоќа, на теренот во Чифлик маало, започна осминафиналето на Меморијалниот турнир во мал фудбал „Благој Истатов 2025“, со три натпревари кои донесоа голови, атрактивна игра и три заслужени победи.
ФК Дрвош продолжи да импресионира со својата зрелост и енергија – во дербито против еден од фаворитите, Фенербахче, славеше со сигурни 3:1 и испрати порака дека е подготвен за висок дострел на турнирот. Тимот од Дрвош покажа компактна игра, дисциплина во одбрана и брза реализација.
Пица ресторан Дивино Босилово ја отвори вечерта со победа од 6:3 над екипата на Црна Река, прикажувајќи контрола, ритам и искуство. Тимот успеа да го наметне својот стил уште од почетокот и заслужено обезбеди пласман меѓу најдобрите осум.
Во третиот меч од вечерта, Freight One буквално ја надигра екипата на Фурна Марфи, славејќи со убедливи 8:2 во радовишкото дерби. Физичката подготвеност и тимската координација беа клучните разлики на теренот.
Со тоа, првите три четвртфиналисти се познати: ФК Дрвош, Дивино Босилово и Freight One, а вечерва продолжуваат нови осминафинални пресметки кои ќе го заокружат составот на ТОП 8 тимови.
Вечерва ќе се одиграа нови три натпревари од четвртфиналето. Во 21 часот Гостилница кај Џек против Тобако Лени Плус, еден час подоцна Компанија Атанасовски против Украс Инг и во 23 часот Агро Смарт против Але Дар Премиум.
Спортска Мрежа е официјален медиумски покровител на „Благој Истатов 2025“.
