„Петровденскиот турнир“ во Конче продолжува со интензивно темпо и возбудливи натпревари, како во сениорска, така и во детска конкуренција. Под рефлектори и пред бројна публика, се одиграа неколку интересни мечеви со солидна резултатска продукција.
Во детската категорија, екипата на Кристофер Киснер славеше во ефикасно дерби против Лепотани со резултат 6:4, во натпревар исполнет со ентузијазам, борбеност и млади фудбалски таленти.
Во сениорска конкуренција, беа одиграни три натпревари. Екипата на Тобако Јаков доживеа пораз од 1:3 од екипата на Рент а Кар Меда, екипата позната како Стара Гарда отсега натпреварите ќе ги игра под новото име Рент а Кар Меда.
Валентина Промент загуби од Ресторан Гринс со резултат од 3:7. Гринс дојде до прва победа откако во претходниот натпревар загуби од Фурна Марфи.
Тобако Јаков со минимаални 1:0 го доби Изведен Ораовица. Тесна, но значајна победа за Тобако Јаков во вториот нивен натпревар на турнирот.
Организацијата на турнирот ја води ФК Серта – Конче, а во сениорската конкуренција се натпреваруваат екипи од цела Македонија, меѓу кои има и актуелни или поранешни репрезентативци од футсал селекцијата.
Турнирот ќе трае до 12 јули, кога ќе се одигра големото финале по повод празникот Петровден, а Спортска Мрежа секојдневно ќе известува со резултати, извештаи и анализа од сите фази на натпреварувањето.
