Искусниот голгетер Сашо Дуков ќе има нов клуб, откако 30-годишниот фудбалер и Кожуф не се договорија за продолжување на соработката во новата сезона.
Дуков во Кожуф се задржа една полусезона откако во зимскиот преоден рок пристигна од редовите на Охрид. Дуков беше најдобар стрелец и во Охрид во есенскиот дел, а во пролетниот дел стана најдобар стрелец за Кожуф, вкупно постигна 14 погодоци и беше клучен играч за конечниот пласман на второлигашот од Гевгелија.
Дуков претходно настапуваше за Каменица Саса, каде исто така беше најдобар стрелец и практично ги спаси „рударите“ од испаѓање, а низ својата кариера има настапувано и за Силекс, Пелистер, Росоман, Вардар Неготино, Тиквеш, кичевски Напредок, а настапуваше и во Србија за тимот на Београд.
Според информациите на Спортска Мрежа, Дуков е „мета“ на неколку екипи кои се во трка за неговиот потпис, а се очекува во следниот период да биде познато каде ќе ја продолжи својата кариера.
