Македонскиот голман и репрезентативец, Игор Алексовски, ќе има нова средина во сезоната што следи. По разделбата со Работнички, триесет годишникот ја прифати понудата на албанскиот клуб Фљамуртари и првпат во кариерата ќе настапува надвор од Македонија.
Алексовски беше дел од Работнички од 2022 година, а претходно бранеше и за Ренова, Шкупи, Вардар и Македонија ЃП. Сега ќе се обиде да остави белег и на албанската сцена, каде што го очекува нов предизвик и прво интернационално искуство.
Клубот од Дебар Маало официјално ја потврди разделбата со искусниот чувар на мрежата, кој зад себе има богато домашно прволигашко искуство и настапи во дресот на националниот тим.
