Екипата на Вардар, го донесе едно од најзвучните засилувања ова лето – францускиот фудбалер со потекло од Конго, Ворен Чимбембе. Договорот со дваесет и шест годишниот играч е веќе потпишан, а тој ќе биде сериозно засилување за тимот во новата сезона.
Чимбембе игра на позицијата централен или офанзивен играч за врска и пристигнува со богато интернационално искуство. Тој настапуваше во француската Лига 1 и Лига 2 за клубовите Мец, Троа и Генгам, и е познат по својата техничка подготвеност и физичка моќ.
Со неговиот ангажман, Вардар значајно ја зајакнува средната линија, а трансферот испраќа јасна порака дека „црвено-црните“ имаат големи амбиции – враќање на врвот и борба за титула.
Со ова засилување, Вардар го комплетира ростерот на странски фудбалери за новата сезона. Во тимот ќе има десет странци, од кои двајца се регистрирани преку проектот „Отворен Балкан“.
