Турнирот „Петровден 2025“ во Мешеишта донесе уште една вечер исполнета со фудбалски возбудувања и нови пресврти во групната фаза. Вторникот донесе драма, голеади и висок триумф, а атмосферата на теренот и трибините останува беспрекорна – како што доликува на јубилејното 50-то издание.
Топлина буквално експлодираше на теренот со убедлива победа од 0:15 против Игор Бенд Бушиноски, постигнувајќи највисок резултат на турнирот досега. Бел Мерцедес ја доби битката со Виена Комерц со 6:2, освојувајќи значајни бодови во групата. Во дербито на вечерта, Петровден Мешеишта славеше во трилер завршница против Пекара Илинче со 4:3, на задоволство на домашната публика
Со овие резултати, турнирот добива сѐ поголема „тензија“, а секој следен натпревар може да биде клучен за пласман понатаму.
- Распоред за среда, 25 јуни:
20:30 | Доел Ноче – Брумел
21:30 | Зурли и Тапани Вевчани – Аце Најдески
22:30 | Македонија – Гостилница Кај Мече
Три нови меча, три нови приказни. Фудбалската магија во Мешеишта продолжува и утре под рефлектори, со нови предизвици, голови и возбуда до самиот крај. Спортска Мрежа останува со вас и на лице место – со целосна медиумска покриеност на секоја минута од овој спортски спектакл!
