Голманката Магдалена Лекоска на 25-години стави крај на својата професионална фудбалска кариера, а сега ќе се посвети на работа како тренер на голмани.
Битолчанката поради повреда принудно мора да ја заврши својата професионална кариера, а како носител на УЕФА А лиценца и официјално од денес Лекоска е во стручниот штаб на ЖФК Истатов и ќе работи како тренер на голмани.
Лекоска како што вели за Спортска Мрежа не ни помислила дека ќе се откаже толку рано, но се здобила со повреда на веќе двапати оперирано колено и поради тоа ќе продолжи да работи како тренер во ЖФК Истатов, каде шеф на стручен штаб е искусниот стратег и селектор Кирил Изов.
Лекоска кариерата ја започна во Топ Гол од Битола, а низ својата кариера беше дел од Скопје, Истатов, Љуботен и Каменица Саса. Во својата кариера освои се што може да освои, шампионски титули, Куп титули, беше дел од сите репрезентации од У-17, У-19 и А репрезентацијата.
Спортска Мрежа разговараше со Магдалена Лекоска, а целосното интервју со 25-годишната голманка која остави длабока трага во македонскиот фудбал во женска конкуренција ќе можете да го прочитате утре (вторник) од 22 часот на Спортска Мрежа.
