Продолжува пријавувањето за едно од најпрестижните спортски случувања во источниот дел на Македонија – „Петровденскиот турнир“ во мал фудбал, кој годинава ќе го одбележи своето 28-то издание.
Овој традиционален турнир, познат по натпреварите под рефлектори и привлечните дуели со врвни играчи, ќе се одржи во општина Конче, а стартот е закажан за 26 јуни, додека големото финале ќе се игра на 12 јули, по повод верскиот празник Петровден.
Пријавувањето на екипите е во тек и трае до четврток (26 јуни) до 20 часот.
Годинешната организација е доверена на ФК Серта – Конче, клуб кој одигра значајна улога во ревитализацијата на фудбалот во општината. Натпреварите ќе се играат по систем 5+1, со футсал топка, што придонесува за брз, технички и атрактивен фудбал.
- Наградниот фонд изнесува вкупно 310.000 денари и ќе биде распределен вака:
Прво место – 180.000 денари
Второ место – 80.000 денари
Трето место – 40.000 денари
Четврто место – 10.000 денари
Покрај екипните награди, организаторите ќе доделат и индивидуални признанија – ваучери за најдобар играч, најдобар стрелец и најдобар голман.
Со учество на врвни екипи и играчи од цела Македонија, меѓу кои и актуелни и поранешни членови на футсал репрезентацијата, „Петровденскиот турнир“ важи за едно од најсилните летни натпреварувања во мал фудбал кај нас.
- Контакт за пријави и информации:
Ване (Грне): 076 487 532
Марјан (Чуши): 075 496 023
Исмет: 070 705 282
Џулијан: 070 426 042
Оваа година, Спортска Мрежа за првпат ќе биде медиумски покровител на турнирот, со целосна покриеност на настанот преку извештаи, видеа, анализи и посебна емисија посветена на турнирот.
Одржуван непрекинато од 1997 година, „Петровденскиот турнир“ не само што ја продолжува фудбалската традиција, туку станува симбол на враќањето на спортот во руралните средини. Општина Конче со ова повторно се поставува на фудбалската мапа на Македонија преку активирањето на ФК Серта.
