Саботната вечер во Мешеишта донесе нова доза одличен мал фудбал, голови, возбудувања и преполни трибини. Јубилејното 50-то издание на турнирот „Петровден 2025“ сè повеќе добива на интензитет, а вечерта ја одбележаа високи победи, но и еден натпревар без голови.
- Резултати од сабота (21 јуни):
АСП Пак покажа класа и го совлада Типлери со убедливи 6:0. Без голови заврши натпреварот меѓу Здружение на возачи Ресен и Топлина – 0:0. Доел Ноче беше подобар од Зурли и Тапани Вевчани со 3:1. Во последниот натпревар, БЗ Груп Струга го шокираше фаворизираниот тим Македонија со убедливи 2:8.
Натпреварите беа одиграни со голема ангажираност и борбеност, а највпечатлива беше офанзивната моќ на БЗ Груп, кои испратија јасна порака до сите ривали.
- Распоред за недела, 22 јуни:
20:00 | Брумел – Аце Најдески
21:00 | Гостилница Кај Мече – Мексико
22:00 | Гранит Х – Фурна Настоски и Форт Кафе
23:00 | Др. Баткоски – Ескобар Волино
Секој нов ден на турнирот носи нова неизвесност и возбудување. Спортска Мрежа и понатаму ќе ги следи сите случувања на теренот, донесувајќи ви ги најновите резултати, фотографии и атмосферата директно од срцето на Мешеишта.
