По возбудливиот старт на Меморијалниот турнир во мал фудбал „Благој Истатов 2025“, вечерва не очекуваат три нови натпревари, сите од групата Г – и тоа во ритам што гарантира драма, борба и голови!
Натпреварите се играат на спортскиот терен во Чифлик маало во Струмица.
Оф 21 часот Хотел Истатов ќе игра против Агро Смарт од Штип. Тимот на Хотел Истатов ќе се обиде пред својата верна публика да дојде до триумф против цврстата штипска екипа која важи за незгоден противник со цврста одбрана.
Само еден час подоцна, Агро Смарт влегува повторно на терен против незгодната Црна Река – натпревар кој може да биде клучен за пласман понатаму.
Во 23 часот Црна Река оди на мегдан против Хотел Истатов. Вечерта ќе ја заокружи дуелот на двата состави што ќе го заокружат кругот – дерби за престиж и важни бодови уште во раната фаза.
Турнирот се игра со висок интензитет, а љубителите на малиот фудбал можат да очекуваат уште една фудбалска вечер исполнета со страст и навивање.
Следете ги сите информации и резултати ексклузивно на Спортска Мрежа, медиумски покровител на турнирот!
