Осумгодишниот Јован Насев од Гевгелија, фудбалер на „АЕК Академија ПАОК“ викендов го освои својот седми пехар по ред, освојувајќи ја титулата „Најдобар стрелец на турнирот“ што се одржа во градот Херсо, во Грција.
Јован постигна вкупно 5 голови на турнирот, со што директно придонесе за две убедливи победи на својот тим: 3:0 против екипата на Килкис и 3:0 против домаќините од Херсо. Освен головите, запиша и една асистенција.
Овој успех го круниса „АЕК Академија ПАОК“ со победничкиот пехар на турнирот, а малиот Јован уште еднаш го потврди својот талент и напорна работа, освојувајќи ја престижната индивидуална награда за најдобар стрелец и најдобар играч.
Ова е негов седми турнир во период од само три месеци откако Јован започна да настапува во академијата на „АЕК Академија ПАОК“, и со тоа стана најмладиот фудбалер од Македонија кој игра во странски тим. Импресивниот настап на Јован не помина незабележано – неговите голови го привлекоа вниманието на раководството на ФК „ПАОК“ од Солун, кое му упати официјална покана од Септември да стане член на нивната Фудбалска школа. Таму млади таленти кои тренираат и се натпреваруваат во детската прва лига на Грција.
Поканата да се приклучи на нивната фудбалска школа е голема шанса за него, особено ако продолжи со образование и тренинг во Грција. Тоа е голем чекор кој може да му ги отвори вратите за професионална кариера во фудбалот.
Виолета Јанчева, Спортска Мрежа
