Синоќа започна 5. издание на турнирот во мал фудбал „Црнилиште Куп 2025“ со четири натпревари.
Во првиот меч екипата на Даути Градба со лесни и убедливи 3:0 го отвори турнирот против Мултификс. Во вториот меч публиката уживаше во пет погодоци и многу неизвесност, но тимот на Медио Петрол загуби со 3:2 од Alldance.
Третиот меч во регуларниот дел немаше победник откако Мултификс и JBVR ремизираа играјќи 1:1, а во пенал рулетот со 2:3 подобра беше екипата на JBVR.
Во третио меч одново немаше победник, откако Даути Градба и тимот на JBVR одиграа 0:0, а во пенал серијата овој пат беше подобра екипата на Даути Градба со 3:2.
Спортска Мрежа беше на отварањето на турнирот, неверојатна атмосфера, многу публика, одлична организација и добри домаќини. Топла препораката да го посетите турнирот и да уживате во одличниот фудбал.
Во следните денови преку мала емисија ќе ви ја доловиме атмосферата од турнирот.
