Вечерва е последниот дел од овогодинешното издание од Меѓуопштинскиот турнир во мал фудбал „Ресен 2025“, успешната фудбалска приказна ќе се затвори со два натпревари, односно со мечот за третото место и големото финале.
Во натпреварот за трето место ќе се соочат екипите на Центар Бела Црква Прилеп против Хризантема во меч кој ќе започне во 20 часот.
Од 21 часот е предвиден ревијален меч, а пак во големото финале од 22 часот на мегдан одат АСП Пак против Пекара Александар.
Екипата на АСП Пак во финале стигна откако со 1:0 славеше над Центар Бела Црква Прилеп, додека пак Пекара Александар преку пенал-рулетот се избори за финалето, откако ремизираше играјќи 1:1 во регуларниот дел против Хризантема, а во пенал рулетот финалистот беше подобар со 4:1.
Спортска Мрежа е медиумски покровител на овој спортски настан.
