Женскиот ракометен клуб Металург Автокоманда за следната сезона промовираше неколку нови ракометарки за европската сцена, но и за домашното првенство.
Ново име е Анастасија Николовска, лево крило со репрезентативно искуство, учесничка на ЕП 2022 и младинското ЕП во 2017.
Тимот ја промовираше и Ива Божиновска кој може да игра како лев и среден бек, а се работи за ракометарка со репрезентативно искуство, таа треба да донесе креативност и стабилност на бековската позиција.
Перспективниот хрватски бек Петра Јершек ќе биде дел од ЖРК Металург Автокоманда во новата сезона 2025/2026. Таа е родена 2000 година и важи за еден од најталентираните ракометари на својата позиција, а со своето искуство и квалитети се очекува да даде значителен придонес во тимот на Металург Автокоманда.
Ана Марија Коларовска е нова ракометарка на Металург Автокоманда која настапува на бековските позиции. Коларовска беше дел од квалификациите на сениорската репрезентација во 2025.
Тимот исто така се засили и со младото крило Сара Ристовска, која е член на кадетската репрезентација на Македонија.
Металург Автокоманда заврши на второто место во Суперлигата и обезбеди „виза“ за Европа, а пак во Купот загуби во полуфиналето од Чаир.
