Познат е изгледот на Првата футсал лига за новата сезона 2025/2026 односно познати се сите екипи кои ќе се натпреваруваат.
Екипата на Форца ја освои двојната круна минатата сезона, а покрај шампионот во Првата футсал лига ќе се натпреваруваат и екипите на Клими од Кавадарци, Проект од Валандово, Осогово од Крива Паланка, Шкупи, велешки Кеги Моби, Јувентус Серава и Бутел од минатата сезона, а како нови прволигаш се Мал Ајакс од Штип кој стана шампион во Втората футсал лига и Балкан од Скопје кој беше втор во Втората футсал лига.
Од Првата футсал лига испаднаа екипите на Црна Река и Железарец, кои од следната сезона ќе играат во Втората футсал лига.
Како што е познато во Првата футсал лига се натпреваруваат десет екипи, последните две директно испаѓаат во Втората лига.
